Zanzibar Heroes Wazindua Jezi Mpya kwa Michuano ya Kombe la Mapinduzi 2025Timu ya Taifa ya Zanzibar, maarufu kama Zanzibar Heroes, imezindua jezi zao mpya zitakazotumika kwenye michuano ya Kombe la Mapinduzi 2025.
Michuano hiyo, ambayo ni maarufu kwa kuadhimisha Mapinduzi Matukufu ya Zanzibar, inatarajiwa kuanza rasmi Januari 3, 2025, katika Uwanja wa Gombani, Pemba. Mechi ya ufunguzi itawakutanisha wenyeji Zanzibar Heroes dhidi ya timu ya Taifa ya Burundi.
Jezi hizi mpya zinapatikana katika rangi nne tofauti, zikibeba ujumbe wa uzalendo na umoja wa Zanzibar. Zina rangi zifuatazo:Nyeupe yenye ufito wa bluu bahari, ikiashiria amani na matumaini, Nyeusi yenye ufito wa njano, ikiwakilisha nguvu na uthabiti wa timu,Kijani yenye ufito mweusi, ikiwa ni ishara ya uhai na mshikamano wa Wazanzibari, Bluu yenye ufito mweusi, ikionyesha uhusiano wa kihistoria wa Zanzibar na bahari.
Jezi hizi zimebuniwa kwa kuzingatia viwango vya kisasa vya kimichezo, zikihakikisha wachezaji wanakuwa huru na wenye utulivu wanapokuwa uwanjani. Uzinduzi huu umeibua shauku kubwa kwa mashabiki wa soka wa Zanzibar, ambao wanasubiri kwa hamu kuiona timu yao ikipambana katika michuano hiyo.
Mashabiki wamehimizwa kuendelea kuipa sapoti timu yao kwa kujitokeza kwa wingi katika uwanja wa Gombani ambao utakuwa unatumika kwa michuano hiyo ya kihistoria.
