Tundu Lissu arejea Ubelgiji

0

Na Mwandishi Wetu

Siku chache baada ya kuomba hifadhi katika ubalozi wa Ujerumani nchini Tanzania  aliyekuwa mgombea urais wa Chadema, Tundu Lissu amesema  leo Jumanne Novemba 10, 2020 ameondoka kwenda  Ubeligiji alikokuwa akiishi tangu Januari 2018.

Lissu aliyeomba hifadhi katika ubalozi wa Ujerumani tangu Novemba 2, 2020 akidai kutishiwa maisha yake, amesema anasafiri  kwa ndege ya Shirika la Ndege la Ethiopia itakayopitia Addis Ababa, kisha Vienna Austria na kituo cha mwisho kitakuwa Brussels, Ubeligiji.

 “Nakwenda Ubelgiji. Sio political asylum (hifadhi ya kisasa), mimi nina ruhusa ya kukaa Ubelgiji tangu nilipokwenda kwa matibabu Januari 2018. Kwa hiyo sihitaji kuomba political asylum,” amesema na Lissu na kuongeza kuwa;

“Sikimbii mapambano, ila nakwenda uwanja mwingine mpya wa kudai haki, demokrasia na utu wetu kwa nchi yetu.”

LEAVE A REPLY

Please enter your comment!
Please enter your name here