St John ilivyofanikiwa kutumia wa mfumo kidijitali kufundisha

0
  • Dotto Kwilasa, Dodoma

CHUO Kikuu cha St John cha Jijini hapa kimesema kimeanza kutumia mfumo wa kufundisha kidigital (E learning) ambapo kimedai umekuwa na mafanikio makubwa.

Hayo yameelezwa Jijini hapa na Makamu Mkuu wa Chuo hicho.Profesa Yohana Msanjila alipokuwa akizungumza katika mahafali ya 11 ya chuo hicho.

Katika mahafali hayo,chuo hicho kimewatunuku Shahada mbalimbali jumla ya wahitimu 1322 ambapo kati yao wahitimu 631 ni wa kike sawa na asilimia 47.7 ya wahitimui wote na wanaume ni 691 sawa na asilimia 52.3.

Profesa Msanjila amesema katika mahafali ya mwaka jana chuo kilieleza azma yake kukibadilisha na kutumia mfumo wa kidigitali ambapo alidai mpango huo ulilenga kuwekeza zaidi katika mifumo ya Tehama ili kuweza kutoa mafunzo kwa wanafunzi kwa njia ya kisasa zaidi.

“Napenda kuifahamisha hadhara hii kuwa mpango wetu unakwenda vizuri katibu wahadhiri wote wamepatiwa mafunzo kwa nyakati tofauti mafunzo hayo yamewezesha kozi nane.

“Kupitia ‘moodle’ wahadhiri na wanafunzi sasa wanakutana mtandaoni na kufanya mambo yote yanayotakiwa kufanyika katika ufundishaji na ujifunzaji wa darasa la kawaida hii ni kuesema kuwa mwalimu anaweza kufundisha,kutoa majaribio,kutoa mitihani kusahihisha na kutoa matokeo humo humo mtandaoni,”amesema.

Amesema mpango wa kufundisha kidigital unaenda sambamba na mpango wa kuimarisha utumiaji wa E-Library kwa ajili ya kuwezesha wanafunzi na wafanyakazi waweze kusoma vitabu na nyaraka mbalimbali muhimu hupitia online.

“Ili kufanikisha mpango huo chuo kimeongeza uwezo wa bandwidth kutoka mb 20 hadi kufikia 40 ili kuwezesha wanafunzi na walimu kusoma kwa wepesi,”amesema.

Amesema chuo kinaendelea na mchakato wa kumalizia kuandaa program mpya ya BSc in IT ambayo itakuwa ni kichocheo cha kutumia mbinu za kidijitali.

Kwa upande wake,Mwenyekiti wa Bodi ya Chuo hicho,Profesa Penina Mlama amesema katika mwaka huu wa fedha chuo kimepanga jingo la utawala ambapo alidai ujenzi huo unalenga kuongeza idadi ya ofisi kwa wafanyakazi wake kutokana na ongezeko la wanataaluma.

“Hivi sasa tuna uhaba wa Ofisi kwa wafanyakazi wetu jambo linalofanya wafanyakazi kushirikiana kukaa ofisi moja,kukamilika kwa jengo hilo kutapunguza tatizo la uhaba wa ofisi kwa wafanyakazi wetu,”amesema

Kwa upande wake,Mkuu wa Chuo hicho,Askofu Mkuu Mstaafu,Donald Mtetemela amesema chuo kinafanya kila kiwezavyo kuendeleza mahusiano ya kitaaluma na vyuo mbaloimbali ndani ya nchi na nje ya nchi.

Amevitaja vyuo hivyo kuwa ni pamoja na Kenyatta University University of London,Norwegian na Danish Institute for international studies.

 

LEAVE A REPLY

Please enter your comment!
Please enter your name here